கவிதை- மனிதன் இணையக்கால கவியரங்கம் 13/11/2023
போக்குவரத்தின் ஆக்கிரமிப்பு
எங்கும் இரைச்சல்
மனிதர் வாழ் நகரங்கள்
இரைச்சலின் மொத்த குத்தகை
காடுகளுக்குச்சென்று
தவமியற்றி அமைதியாய்
வாழ்ந்த காலம் இருந்தது
இப்போது வீடுகளுக்குள்ளாக
எத்தனைத் தொலைக்காட்சி சேவைகள்
எப்போதும் ஏதேனும்
தொலைக்காட்சி விளம்பர ஒலி
தொடரும் கைபேசி ஆரவாரம்
அளவுக்கு மிஞ்சினால்
அமிர்தமும் நஞ்சென்பதே
இவைகளின் அறிவிப்பு
யாரும் யாருடனும்
பேசக்கூச்சப்படுகிறார்கள்
எல்லோருக்கும் மொபைலும் கையுமாய்
வாழ்க்கை
மொபைல் மனிதனின்
இன்னுமொரு இதயம்
மானிடர்க்கு விடுதலை
இனி சாத்தியமே இல்லை.
No comments:
Post a Comment