அமெரிக்க அழகு
லாஸ் ஏஞ்சலிசில்
இன்று கெட்டிஸ் பூங்காவும்
கெட்டிஸ் மியூசியமும்
பார்க்க வாய்த்தது
மலைச்சரிவில்
டிராமில்
பயணித்துப் பார்க்க
இயற்கை அழகு
கொட்டிக் கிடக்கிறது
அபரிமிதமாய்.
மலையும் வனமும்
கொள்ளை கொள்கிறது
கண்களை
இத்தாலிய ஓவியங்களின்
அழகோ அழகு
எகிப்திய ஐரோப்பிய
சிலைகளின் மறு உருக்கள்
தத்ரூபமாய் நின்று நின்று
பேசுகின்றன பார்வையாளர்களோடு.
காலைமுதல் மாலைவரை
சுற்றி சுற்றிப் பார்த்தோம் குடும்பத்தோடு
எண்ணிக்கையில் ஆயிரம்
இருக்கலாம் ஆனாலும்
தமிழ் நிலத்துக் கோவில்
சிலைகளில் ஒன்றை நினைக்க
அத்தனையும்
நீர்த்துத் தான் போயின.
No comments:
Post a Comment