எஸ்ஸார்சி/அமெரிக்க வீடுகள்
எல்லார் வீடுகளிலும்
எந்தக் குழாயிலும்
தண்ணீரும் வெந்நீரும்
இப்படி அப்படித்
திருகினால் மாறி மாறி வரும்
கண்ணாடிச்சுவர்களோ
அனாயாசமாய்
தரையோ மரப்பலகை
மின்சாரம் பொய்க்காது
இருபத்து நான்கு மணிநேரமும்.
அனைத்து வீடுகளிலும்
ஹீட்டரும் உண்டு
ஏர்கண்டிஷனும்தான்.
ஆண்டுக்கு மூன்றுமுறை
கடிகாரத்தைத் திருத்தி வைக்கிறார்கள்
பள்ளிப் பிள்ளைகளுக்குப்
புத்தகச் சுமையில்லை
எல்லாமே பள்ளியில்
வீட்டுப்பாடம் இல்லை
விடுப்பு மிகையாய்
மொழி ஒன்று ஆங்கிலம் மட்டுமே
பஞ்சாங்கம் இல்லை
ராசிபலனும் இல்லை
வார சூலை இல்லை
நிம்மதி.
No comments:
Post a Comment