எழுத்து

 

 

 

எழுத்து

 

தாயே என்று ஓங்கியழைக்க

நாயே என்று 

எனை  எப்படி 

 அழைப்பாய்  நீ

கேட்பவர்கள் அதிகமிங்கு

மனித உறவுகள்

வழியே  இல்லை மேம்பட

தான் தனது  மட்டுமே

தொண்டைவரை அடைத்து

வழி மறிக்குமே நந்தியாய்

நான் செய்வதே சரி

நான் சொல்வதே சரி

பிறர் சொல்வதும்

பிறர் செய்வதுவும் அன்றன்று

வாழ் நெறியா இது

அன்பொடு வாழலாம்

மனம் வேண்டும் பெரிதாக

அன்புடையார் எல்லாமுடையார்

அன்புடையார் யாரென்று

தெளிய  வேண்டுமறிவு

அதற்குத்தானே ஏகப்பஞ்சம்

இந்தப்பிறவிக்கு

அறிவு அவ்வளவுதான்

எழுதிய எழுத்தை

அழித்தா எழுதுவான்

அன்றைக்கு எழுதியவன்

பழுதாகிவிடாதே

 தருமங்குடி ஆச்சி சொன்னது.

--------------------------------------------