இணையக்கால கவியரங்கம்                                        11/11/2023    

எஸ்ஸார்சி

முயற்சித் திருவினையாக்கும்

 

உழைத்தவர்கள் எல்லோருமே

உச்சத்தைத் தொட்டுவிட மாட்டார்கள்

விடுதலைக்குப் போராடியவர்களில்

எத்தனை பேர் தேச விடுதலையைக்

காணமுடிந்தது

எழுதிக்குவித்தவர்களில்

எத்தனை பேருக்கு அங்கீகாரம்

சாத்தியமானது

அற்புதக்குரலும்

இணையிலா இசைஞானமும் பெற்றவர்கள்

எத்தனை பேர்

மேடை ஏறாமலே முடிந்து போனார்கள்

நிலவுக்குப்பயணம் போன

விஞ்ஞானிகளில்

நீல் ஆம்ஸ்ட்ராங்க் மட்டுமே

நினைக்கப்படுகிறார்

முயற்சிகள் தொடர்கதை

முயலாமல் வாளா நிற்பது

மானுட விழுமியமாகாதே.