ஜெய் கிசான்

 

 

ஜெய் கிசான்             

 

விவசாயிகள் போராட்டம்

டில்லித்தலை நகரில்

உறையும் குளிரோடு கொரோனா அச்சம்

ஐம்பது நாட்கள் ஓடிப்போயீற்று

அறுபது மனித உயிர்கள் பலி

பேச்சுவார்த்தைகள் புஸ்வாணமாயின

உச்ச நீதி மன்றம்

தலையிட்டும் கதையொன்றும்

ஆகவில்லை இக்கணமும்

உச்ச நீதிமன்றம் சொல்லும் குழுவில்

விவசாயிகளுக்குப்பேச ஏது ஆள்

என்கிறார்கள் போராளிகள்

சட்டம் இயற்றும் போது

நாடாளுமன்றத்து ஆரோக்கிய

விவாதங்கள் செத்துக்

காலம் எத்தனையோ ஆனது

எண்ணிக்கை ஆணவம் தலைக்கேறி

ஆடத்தான் வைக்கிறது ஆட்சியாளர்களை

குரல் வோட்டெனும்

அந்த ஏமாற்று வித்தை தான்

இன்றைய நடைமுறை

ஜனாதிபதிகள் வாய் திறக்கமாட்டார்கள்

நடந்த சிக்கல்களை

மனசாட்சியுள்ள பிரகஸ்பதிகள் மட்டும்

புத்தகமாய் எழுதி விட்டுப்

போய்ச்சேர்வார்கள் அவ்வளவே

மக்களாட்சிக்கு இலக்கணம்

சொல்லும் பள்ளிக்குத்தான்

விலாசம் தெரியவில்லை.

--------------------------------------------------------------------------.

-----------------------------------------