Tuesday, January 19, 2021

உலகப்போக்கு

 


 

 

உலகப்போக்கு

 

 அன்புதனில் செழிக்குமாம் வையம்

போதும் நிறுத்து

மருத்துவ மனை

வெண்டிலேட்டர் வேலை செய்தாலென்ன

நொண்டிதான் அடித்தாலென்ன

டாங்கர்கள்  போர்முனையில்

சரியாக ப்பணியாற்றி

எதிரியை வீழ்த்தினால் போதும்

 

உலகப்போர் எதனிலும்

நேராகப்பங்கேற்றதாய் வரலாரில்லா

அந்த அமெரிக்காதான்

பாதுகாப்புக்கு இருபது லட்சம்

கோடி ரூபாயை

ஆண்டொன்றுக்கு

கொட்டி அழுகிறது

பார்க்கெலாம் திலகம் பாரதம்

ஐந்து லட்சம் கோடியை

ஆண்டுக்கு ஆண்டு

யுத்தத் தயாரிப்புக்குத்

தாரை வார்க்கிறது

போரிடும்  இப்பூவுலகம்

யுத்தம்  யுத்தமென

கொட்டி கொட்டித்தீர்க்கிறது

 செல்வ ஆதாரத்தை.

சீனா ரஷ்யா வட கொரியா

எனத்தொடரும்  அணிவரிசை

ஆயுதங்கள் மலையாய்த் தயாரிக்கும்

மனசாட்சியில்லா விலங்குகள்

சோதரக் குழந்தைகள் உணவின்றி

மருந்தின்றி செத்தாலென்ன

மக்கள்தாம் கெட்டாலென்ன

அவர் அவர் அகந்தை

கொடிகட்டிவானத்தில்

பறக்க மட்டுமே

எப்போதும் எல்லோரும்

பிரார்த்திக்கிறர்கள்.

-----------------------------

 

 

 

 

 


No comments:

Post a Comment