டிராக்டர் பேரணி

 

 

டிராக்டர் பேரணி

 

விவசாயிகள் பேரணி

நமது தலை நகர் டில்லியில்

பிரதமர் மோடி கொணர்ந்ததே

வேளாண் சட்டங்கள்

வாபஸ் பெறுக மொத்தமாய்

கோரிக்கை போராட்டமாகி

மாதங்களிரண்டு

தாண்டியே போனது

குடியரசு  நாளின்று

டில்லி நகரமே விழாக்கோலம்

கொரோனா அச்சம் நீங்காததால்

அடக்கியே வாசித்தது அரசு

வெளி நாட்டு விருந்தினர்

யாருமே இல்லை

சுருங்கிபோனது பெருவிழா

ராம் நாத் கோவிந்த்

குடியரசுத்தலைவர் 

மூவர்ணக்கொடியேற்றி

அவர் பணி முடித்தார்

வேளாண் மக்களின்

டிராக்டர் பேரணி

கல்லெறிதலும் கண்ணீர் புகைக்குண்டும்

வன்முறை வன்முறை

யார் மீது தவறு தேடவே வேண்டாம்

போடும் சட்டங்கள்

ஆய்ந்தலசி  விவாதித்தே

ஜனித்திருக்கவேண்டும்

உச்ச நீதி மன்றங்கட்குண்டு

பொறுப்புக் கூடுதலாய்

லட்சக்கணக்கில்  உழவர் படை

டில்லித்தெருக்களில் கல்மாரி

போலிசாருடன்  மோதல்  மோதல்.

உழுவாரைத்தொழுது பின் செல்லத்தான்

பணித்திருக்கிறது  குறள்

அன்ன தாதாக்கள் அலறுகின்றனர்

மக்களரசோ உச்ச  மமதையில்

எல்லாவற்றிர்க்குமோர் விலையுண்டு

காலம் கொணரும் விடை..-

---------------------------------------------------------