கவிதை- அலப்பறை

 இணைய கால

கவியரங்கம் 95

21/1/24

அலப்பறை

புத்தகக்காட்சிக்குப் போனேன்

நேற்று சிற்றரங்கில்

ஒரு இலக்கியக் கூட்டம்

இரண்டு மணி என்று

போட்டுவிட்டு மூன்று

மணிக்குத் துவங்கினார்கள்

சுய அறிமுகம் என்று நூறு

பேருக்கு மைக்கில் ஆரம்பித்தால் அதற்கே

ஒருமணிக்கு மேலானது

பெரிய பெரியவர்ளைவர்

ஒருவர் ஒருவராய்ப் பேசி

முடித்தனர் 

ஆகா ஊகு

அதெல்லாம் இல்லை

அரைத்த அதே மாவுதான்

அன் டு  திஸ் லாஸ்ட் நமக்கு

காந்தியைத் தந்தது என்றபடிக்கு.

செல்ஃபீ எடுத்துக்கொள்ளும்

மும்முரம் கனஜோர்

அதே மிக்சர் ஒரு கரண்டி

பாயசமாய்த் தேநீர்

புதியதாய் வந்த இளைஞர்கள் நாற்காலியில் உட்கார்ந்து

எழுந்து போனார்கள்

கையில் கட்டாயமாய்

நிகழ்தேதி இல்லா

மெமன்டோவோடு.