அன்றும் இன்றும்
இணையக் கால கவியரங்கம் 65
23/12/23
எழுபதுகளில் எழுத்தராய்
தொலைபேசிச் சேவையில் சேர்ந்தபோது
மாதம் முந்நூறு ரூபாய் சம்பளம்
ஒருமாத சம்பளத்தில்
ரெண்டு சவரன் தங்கம்
வாங்கலாம்
டெல்லிக்கு கால் மூன்று நிமிடம் பேச அறுபது ரூபாய்
மூன்று மணி காத்திருப்பு
பர்டிகுலர் பர்சனல் காலானால்
இன்னும் முப்பது ரூபாய்
கூட்ட வேண்டும்
மாதம் மூன்று டிரங்க்கால்
டில்லிக்குப்பேசினால்
மாத சம்பளம் காலி
ஓவர்சீஸ் கால் பற்றி
பேசவே கூடாது
நீண்ட நீலக்கவர் ஒன்றே வழி
இன்று அமெரிக்காவில்
படிக்கும் பேத்தியோடு
மணிக்கணக்கில் பேசுகிறான் காசில்லை
ஆயிரம் கடிதங்கள்
ஆயிரம் விலாசங்கள்
உலகெங்கும் அனுப்பினாலும்
கட்டணமில்லை
தகவல் துறையில் மட்டும்
இவ்வதிசயம் எப்படிச் சாத்தியம்
செல்பேசி இணையதளம்
வழங்கிய விஞ்ஞானிகளே
அத்தனையும் சாத்தியமாக்கிய
சாதனையாளர்கள்
என்றேனும் ஒரு கணம் நினைப்போமா நாம்.
No comments:
Post a Comment