கவிதை- கிறிஸ்துமஸ்

 இணைய கால கவியரங்கம் 67

25/12/23

கிறிஸ்துமஸ்

ஏழைகள் பால்

இரக்கம் காட்டு

மன்னிக்கப்பயில்

அன்பினைக் கை கொள்

தன்னைப்போல் பிறரைநினை

ஒரு கன்னத்தில் அறை வாங்கிய நீ

அவனுக்கு மறு கன்னத்தையும் காட்டு

அடுத்தவனுக்குக் கொடுக்காமல் நீ

எதையும் எடுத்துக் கொள்ளாதே

உபதேசித்த கருணையின்

உருவே யேசுவே

நீ பிறந்த நாளில்

வெட்கப்படுகிறோம்

அப்பாவி மக்களைக்கொல்ல

ஆயுதமே விற்றுக்காசு

பார்க்கிறவர்கள் நின்

சந்நிதியில். படோடோபமாய்க் குழுமி

நிற்கிறார்கள்

நீ பிறந்து ஈராயிரம்

ஆண்டாகியும்

இப்பூலகம் நேர்படவில்லை

நினக்கு வானுயர்

கோபுரங்கள் ஆயிரம் எழுப்புவோம்

அத்தோடு நிறுத்திக்கொள்வோம்

அதற்கு மட்டுமே நீ.